Էսթետիկ լազերների մեծ մասի հիմնական թիրախը մաշկում առկա ջուրն է։ Red Touch-ի լույսը հիմնականում կլանում է դերմայում գտնվող կոլագենը։
Լազերն աշխատում է ֆրակցիոն եղանակով՝ մաշկի խորքում ստեղծելով տաքացման փոքր օջախներ, որոնք խթանում են կոլագենի նորացումը։ Դրանց միջև մաշկը մնում է անվնաս։ Ալիքի երկարությունն ու ներկառուցված սառեցումն օգնում են պաշտպանել մաշկի արտաքին շերտը, ուստի վերականգնման շրջանը սովորաբար կարճ է։
Որ դեպքերում կարող է օգնել Red Touch-ը
- Մանր և միջին խորության կնճիռներ
- Մաշկի ամրության նվազում
- Մաշկի անհարթություն և լայնացած ծակոտիներ
- Մակերեսային պիգմենտացիա
- Ակնեից հետո մնացած սպիներ (պոստակնե)
Ինչպես է անցնում միջամտությունը
Միջամտությունից առաջ մաշկը մաքրում են, իսկ աչքերը պաշտպանում հատուկ ակնոցներով։ Բժիշկը սկաներով հագեցած լազերային գլխիկն անցկացնում է ընտրված հատվածի վրայով։
Կարող եք զգալ ջերմություն և ծակծկոց, իսկ սառեցումն օգնում է միջամտությունն ավելի հարմարավետ դարձնել։ Դեմքի մշակումը տևում է մոտ կես ժամ։ Ճշգրիտ տևողությունը բժիշկը նշում է խորհրդատվության ժամանակ։
Միջամտությունից հետո
Միջամտությունից հետո կարող են լինել կարմրություն և թեթև այտուց, որոնք պահպանվում են մեկից մինչև մի քանի օր։ Դրան կարող է հաջորդել նուրբ թեփոտում։ Անհրաժեշտ է մաշկը պաշտպանել արևից։
Քանի սեանս է անհրաժեշտ
Սեանսների քանակն ու դրանց միջև ընդմիջումները բժիշկը որոշում է խորհրդատվության ժամանակ։ Յուրաքանչյուր սեանսից հետո կոլագենի ձևավորումը շարունակվում է շաբաթներ շարունակ։
Հակացուցումներ
Խորհրդատվության ժամանակ բժիշկը ստուգում է հետևյալ հակացուցումների առկայությունը։
- Հղիություն և կրծքով կերակրում
- Ակտիվ բորբոքում կամ վարակ՝ մշակվող հատվածում
- Թարմ արևայրուք
- Լույսի նկատմամբ զգայունությունը բարձրացնող դեղերի ընդունում
- Ուռուցքաբանական հիվանդություններ
- Կելոիդային սպիների առաջացման հակում
Այս ծառայությունը մատուցող բժիշկները
Տաթև ՍտեփանյանԲժիշկ-մաշկաբան
Լիլիթ ԳևորգյանԲժիշկ-մաշկաբան
Գայանե ՄկրտչյանԲժիշկ-մաշկաբան
Գրետա ԴավթյանԲժիշկ-մաշկաբան
Տաթևիկ ՄուրադյանԲժիշկ-մաշկաբան
Գոհար ՉոբանյանԲժիշկ-մաշկաբան
Հռիփսիմե ՍտեփանյանԲժիշկ-մաշկաբանԳնացուցակ
Դեմքի ապարատային խնամք1
- Red Touch by Deka49,000 ֏
Վճարման տարբերակներ
Visa, Mastercard, ArCa՝ կլինիկայում և առցանց
Վճարում կլինիկայի դրամարկղում
Ավանտայի նվեր քարտով կարելի է վճարել ցանկացած ծառայության համար
Ապառիկի պայմանները սահմանում է բանկը․ մանրամասները ճշտեք մեր համակարգողի մոտ։







